BERICT HURIA HKBP SIRUAR
RESSORT PANGOMBUSAN TAON 2015
I.Patujolo
Pujian dohot Hamauliateon ma di pasahat rohanta tu Amanta
Pardenggan basai, ala Godang dohot denggan ni basaNa naung pinatongon na tu
hita ganup marsada sada, boi hita taripar bolas marhahipason sahat tu ombas
nauli naleheton. Godang ma tongon nabinahen ni Jahowa tu hita alani Marhilas ni
roha ma hita. Dilehon hangoluan di udut do hosanta umbahen na boi hita marpungu
di bagas JoroNa on. Sihamauliatehonon ni rohanta do nang pardalanan ni Hurianta
dibagasan na sataon bolonon denggan do mardalan Hurianta di Tumpak asi dohot
holong ni roha ni Tuhanta. Boi hita sonang so hariboriboan marsaor di
Huriantaon so pola adong parmaraan naboi mangambat parpunguanta sahat tu ujung
ni taonon. Hasangapon jala Hamuliaon ma di Jesus Raja Ni Huria naung
mangaramoti dohot mamasu masu Hurianta.
II. PARNGOLUAN NI HURIA
Parngoluan ni huria tu panjouonna tu parsaoran, dohot tu
parhobasan nang tu panindangion di kegiatan:
2.1. Parmingguon
a. Minggu Siang
Denggan do mardalan parmingguon siganup Minggu di Hurianta, dang
adong pangambat di pardalanan ni parmingguon I, sudenai tahe holan ala Asi
dohot holong ni roha ni Tuhanta doi. Pardosdosan ni na ro marminggu siganup
minggu 80 sahat tu 100 halak, molo ta timbang sian torop ni Ripe ni Hurianta
hira 55 porsen dope na ro rap marsaor siganup minggu, gomos pangidoan lam
tutorop na hita laho marsaor siganup minggu di bagas joro on. Lam taparinggas ma ro manopot Bagas
joro on ai boi dohonon naung leleng 2 jam hita di parmingguan i. Tarlobi
di angka Minggu pesta paduahon di ari Parningotan Haheheon Jesus Kristus dohot
ari Paduaon Parningotan Haroro ni Tondi Parbadia, sipata holan 10 halak ma na
ro di ganup Pesta na paduahon. Lam di Tambai Tuhanta ma angka
bilangan ni na porsea jala na ringgas marminggu tu taon na naneng ro. Di
tuktuhi Tuhan ta ma roha ni sude ruas ni Huria na lalap tarpodomi dope.
b. Singkola Minggu
Mauliate dohonon tu amanta pardenggan basai naung umpasupasuhon
angka nauli na denggan tu angka ianakkonta singkola minggu, nasida ma sipasuang
hosa loja (Generasi penerus di hita angka natoras) las doroha marnida nasida na
ringgas ro mandohoti parsingkola Mingguon siganup minggu, mauliate nang dohonon
di haradeon ni angka sundut naumposo ni hurianta (Naposobulung) namangalehon
rohana laho mangajari angka anggi nasida sikkola Minggu) torop nasida 4 halak
na tiniroan ni amanta St B. Sitorus songon Seksi Singkola Minggu. Diparbohali nasida do gogo nang
pikkiranna laho mandohoti sermon Guru Singkola Minggu dalan laho mamohali
nasida laho mangajari Sikkola Minggu. Gabe bonggas pangungkitma sermoni di
nasida laho patota angka parsiajaran nanaeng siajarhonon nasida. Mauliate nang
diharadeon ni natoras na sai tongtong olo mengantarjemput ianakkon nasida
siganup manogot ni ari minggui. Sai
lam tamba ma haringgason ni angka ianakkonta singkola Minggu laho marsiajar
dohot mangguruhon Hata ni Debata asa adong bohal ni partondionna di ari
hagodangan na, tadasdas jala tapaborhat ma nasida huhut tatangiangkon ro tumopot
Joro i. Taingot Ma Hata Ni Tuhan I namandok “Loas hamu ma ro angka dakdanaki,
unang ambati hamu nasida rotu Ahu, ai di angka sisongoni do harajaon
banuaginjangi, Mat 19:14, Laos tapaumbuk ma tu hata namandok “Ditingki metmet
do haui boi sior sioran” ditingki haetehonna ta sior sior I ma dakdanaki tu
Hata ni Debata.
c. Partangiangan
Pinujima Tuhan I ganup ari, ai dipatongon do angka naringkoti
dingolunta, Denggan do mardalan partangiangan sector siganup minggu ima na di
patupa siganup ari Kamis bodarina na hinobasan ni Uluan ni Huria nang angka
Sintua Sektor nabe, sihalashonon ni rohanta mai torop do na ro mandohoti
partangiangan I nangpe godang dope tong na so ro, dang siala roha nian olo mai
ala ni angka kesibukan kerja dohot lan angka na asing dope tahe, cuaca na
sipata rondo, alani I naeng ma taharingkothon mandohoti angka partangiangan I
ai disi boi hita patangkashon dohot patanakhon Hatani Debata, taingot ma hata
ni Tuhani na mandok “Unang mansadi hamu martangiang (1Tes 5:17). Lam di tambai
Tuhanta ma dihita sipatu haringgason laho borhat tu partangiangan na adong di
ganup sector tabe. Lam
martamba ma bilangan ni angka na ro mandohoti partangiangan sector tu taon
nanaeng ro.
III. Kategorial
a. NHKBP
Bunga Bunga ni Huria, Tarajumi do ia Naposobulung ima Bunga
bunga na hushus na paangurhon goar ni huriai, suang songon goarnai las do roha
marnida punguan on ai parsidohot do nasida di angka parendeon siganup minggu.
Alai dibagasan na pigapiga Minggu terakhir on di tahun 2015 gabe sahera gale do
parpunguan ni Naposobulung/Remaja, siala ni i ma nipangido ma tu taon nanaeng
ro on asa aktiv ma jolo nian paniroi ni N/R laho maniroi nasida, jala sai anggiat
ma tu angka tingki nanaeng ro lam martamba bilangan ni angka NHKBP/Remaja di
Hurianta on, dipangido jala di parsinta rohanta do asa lam tu hembangna nasida
nang di kwalitas nang di kwantitas, marhite Barita Jujur taonon tadasdasi ma
angka ianakkonta Remaja/Naposo asa dohot tu parpunguan on.
b. Punguan Ina
Denggan do mardalan Punguanon dibagasan na sataonon, marguru
dohot Patanakhon hatani Debata siganup ari Jumat Bodarina ( Pkl 19.00 na
niuluhon ni Uluan ni Huria parsidohot do nasida patubegehon ende pujian pujian
siganup ari minggu, rajuman do nasida songon anggi ni parhalado di angka ulaon
parasinirohaon isarani na mandulo namarsahit, maningkir tu namonding, suang
songoni manggohi angka gokhon dohot jou jou ( Undangan) molo adong pesta sian
bagas manang sian luar ni Hurianta, Lam margogoma nasida, laho mandohoti angka
parguruan dohot angka ulaon huria, lam tamba ma haringgason di nasida hahipason
nang ganjang ni umur. Jala tu taon na naeng ro asa dipillit ma nian sada
paniroi ni punguan ina, dinalaho maniroi nasida.
c. Mannen Koor
Mauliate ma di Tuhanta denggan
do mardalan punguan Mannen Koor ni Hurianta, tong do parsidohot nasida di
parendeon di siganup minggu, marguru ma nasida di ari selasa bodarina (Pkl. 19.00)
na diuluhon ni St. Pensiunan ima St. j. Simangunsong. Anggiat ma lam tamba tu
majuna punguanon tu taon na naeng ro, lam ringgas di parendeon, parmingguon
nang di angka ulaon ni huria, margogoma nasida lam di tambai ma hahipason nang
gogo. Margogo ma angka pangajari nang angka pangurus laho padimundimun
punguanon. Jala tu taon na naeng ro asa dipillit ma nian sada paniroi ni
punguan on, dinalaho maniroi nasida.
e. Koor
Gemende
Denggan do mardalan punguanon, las patubegehon ende Koor siganup
minggu di Hurianta, marguru ma nasida di bodari ni ari senin pkl 17.00 Wib,
dihalashon roha do punguan Gemende di angka parsidohoton di angka ulaon Huria,
lam marbungaran ma punguanon tu angka tingki nanaeng ro margogo ma angka
pangajari dohot pengurus laho pahembanghonnsa. Jala tu taon na naeng ro asa
dipillit ma nian sada paniroi ni punguan on, dinalaho maniroi nasida.
IV. Angka Ulaon Huria
a. Sakramen
Mardalan do Sakramen di Hurianta ima
Pandidion Nabadia di tanggal 30Agustus2015 naung salpu tu 4 halak ianakhon ni
hurianta.
b. Pesta Huria
Di Bulan Oktober tanggal 18 2015 nasalpui,
Marpesta huria do Hurianta ima na mamestahon mamasuhi bagas rumah dinas ni
hurianta, denggan do mardalan ulaon i.
c. Pesta Gotilon
Marpesta Gotilon do Hurianta di
tanggal 30 Agustus 2015 naung salpu, jala denggan do mardalan ulaon Pestai.
d. Pesta Natal
Secara umum denggan do Mardalan angka
Perayaan Natal di Huriantaon mamungka mai sian Natal ni angka ianakkonta
Singkola Minggu, Naposobulung,
Natal Keluarga, Natal Umum Pesta Natal I, dohot II.
V. KEUANGAN
Mansai las do roha di panumpakhon ni ruas ni hurianta na
pasahathon Peleanna siganup minggu, Pelean taon, Perpuluhan, hamauliateon dohot
na asing. Di Pelean Taon, hira hurang ringgas do ruas ni hurianta pasahathon.
Di laporan keuangan Pemasukan dan Pengeluaran, nunga ditingtinghon ganup minggu,
jala tarida do saldo kas huria ganup minggu.
VI. INVENTARIS
a.
Di jabu
Inventaris di jabu, sada Podoman sian hau dohot tilam. Tilam ima
na sinumbanghon ni keluarga A. Putra Simangunsong/Br. Simanjuntak.Sada kompor
gas komplit dohot tabung, dohot 5 tingkar tangelleng jala 5 horden. Ima na
pinarade ni panitia khusus rumah dinas.Mauliate ma di nasida.
b.
Di Gareja
Inventaris gereja na tamba di taon 2015 on:
-
Marhitehite Pesta tahun parompuan nasian Hurianta. Disumbangkon
nasida do inventaris di gereja berupa kursi plastic godangna 25 buah. Mauliate ma
dinasida.
-
1 Lampu hias dohot 3 lampu jalan ima na sinumbangkon ni keluarga
A. Putra simangunsong/Br. Simanjuntak. Mauliate ma di nasida.
-
1 microfon dohot 1 kabel sambungan keyboard tu soundsistem.
VII. STATISTIK
Torop ni ruas ni Hurianta
Ama : 52 Halak
Ina : 64
Halak
Naposo Baoa : 34 Halak
Naposo Boru : 46 Halak
Dakdanak Baoa : 64 Halak
Dakdanak Boru :
36 Halak
Pungu :
296 Halak
Torop ni Ripe Kepala Keluarga : 70 Ripe/ KK
Torop ni
Parhalado :
6 Halak, Calon Pendeta 1 Halak, Sintua :5Halak (Ama 3; Ina 2)
Torop ni na Tubu : 7 Halak
Torop ni
natardidi :
4 Halak
Torop ni na M. Haporseaon :
1 Halak
Torop ni na
Marbagas :
7 Halak
Torop ni na Ro Pinda tu Huria on : -
Torop ni na pinda :
-
Torop ni na Hona uhum
Huria : 1 Halak
Torop ni na Mulak tu Huria :
-
Torop ni namandohoti U Nabadia : -
Torop ni
Namonding :
5 Halak
Pardosdosan ni Parminggu
Singkola Minggu : 100 Halak
Minggu Siang :
100 Halak
Partangiangan :
20 Halak
VIII. Pangujungi
Songonima Barita Jujur Taon naboi ginurithon dibagasan taon on,
Gala gala sitelluk ma telluk mardagul dagul, molo tung adong na hurang lobi di
guritan on nanget ma hita mangapul apul, anggiat ma gabe sorminan on dihita tu
taon 2016 nanaeng ro, taon parasinirohaon ma tongon taon nanaeng si pasahaton
ni Tuhanta di hita , lam tu hembangna tu hinsatna parngoluon pardagingon nang
partondiopn ni sude ruas ni hurianta,
lam ganda pasupasu si jaloonta tu taon nanaeng ro, Horas Tuhanta ma mamasu masu
hita ganup marsada sada, Selamat Menjelang Tahun Baru 1 Januari 2016.
Siruar, Kamis 31 Desember 2015
Diketahui: Ginurithon ni:
Pendeta Ressort HKBP Pangombusan Uluan HuriaHKBP Siruar
No comments:
Post a Comment